السلام عليكم .... بصراحة اليوم حابب احكي عن مسلسل باب الحارة
طبعا مسلسل باب الحارة صار هلق غني عن التعريف بعد النجااااااااااااااح الكبير اللي حققه على مستوى الوطن العربي ككل
بس انا كنت أسمع انو ناجح لاكن مش بالصورة اللي كان احد يتوقعها لاكن لما سمعت بعض القصص وشفت بعيني أمنت بهادا الشي
من ضمن هالأشياء بالنسبة لأولياء الأمور ما في حدا بيطلع الدوام الا وهو شايفها وبالنسبة للأمهات (طبعا لأنهم غالب الوقت في البيت)
بعض الدول عند ما تيجي باب الحارة بيصير فيها حظر تجول ؟؟؟؟؟
مرة كنت انا وصاحبي في الطريق المهم ما رح طول عليكم صار معنا حادث وصاحب السيارة التانية غلطان
لما نزلنا بنقله ليش يعني كل هادا قال لأن الساعة 9 الا 5 دقايق وعدها بدت باب الحارة
مرة كنا في مقهى بنشوف مباراة ريال مدريد وبرشلونة (أفضل مباراة على مستوى العالم) وكان موعدها على ال 9 ونص تتخيلو انو المقاهي كانت حاطه باب الحارة لغاية لما خلصت وبعدين حولت على المباراة
ومرة كنت في مقهى في يوم عادي دخلنا كان كل واحد بيتفرج على برنامج وماخدين راحتهم ما صارت الساعة 9 الا وكل التليفزيونات بدون مبالغة على باب الحارة
يعني بجد المسلسل هادا حقق نجاح بصورة مش طبيعية (( وانا من اكتر الناس المعجبين فيه ))
وبرجع سبب نجاحه للمخرج المبدع بسام الملا اللي اتقن واتفنن في اختيار الأدوار المناسبة لكل نجم من نجوم المسلسل وخاصة (ابو العز)
واخر شي حابب قوله (انشا الله يكون في هناك جزء تالت الها ) .............. تقبلو تحياتي
الخميس أكتوبر 09, 2008 11:21 am